Bernardino Rama informou que a Carreira Popular solidaria tería lugar o vindeiro 16 de maio no Campus Sur da USC, e as rúas por onde ia transcorrer a carreira serían as seguintes: Antonio R. Ibáñez, Avda da Coruña, Avda das Ciencias, Avda de Novoa Santos, Avda das Burgas e Avda de Compostela. Así mesmo, informou do Horario das probas será o seguinte:

 11:00 PREBENXAMÍN e ANTERIORES (470 m)
 11:15 BENXAMÍN e ALEVÍN (1260 m)
 11:30 INFANTIL e CADETE (2410 m)
 12:00 XUVENÍS en adiante (4710 m)
 12:45 ENTREGA DE PREMIOS

O Vicepresidente da Fundación tamén sinalou que a proba tiña lugar no Campus “para chegar a maáis xente, para poder reforzar un pouco mais a carreira solidaria”.

Pola súa parte o delegado en Santiago de Compostela da Federación Galega de Atletismo, Iván Sanmartín sinalou que se deron pasos para incorporar novos colaboradores na presente edición da carreira, como é o caso da USC. Ademais sinalou que a Asociación da Área Empresarial do Tambre seguirá colaborando. Por outra banda comentou que “desexamos que esta proba a parte de ser solidaria teña un aliciente competitivo”.

Pedro Nimo comentou a respecto da mudanza da ubicación desde o Polígono do Tambre, lugar onde se tiña desenvolvido a Carreira Popular Solidaria Área Empresarial do Tambre nas edicións anteriores até o emprazamento onde vai ter lugar este ano, que “é un paso adiante moi positivo e demostra que os empresarios do tambre saben adaptarse”. Engadiu que “Ogallá o domingo haxa moitos rapaces e moita xente nova na carreira”. Finalmente indicou que daba gusto ver a tantos patrocinadores colaborando no evento.

Mariano García-Verdugo, Xefe do Departamento de Deportes da USC, dixo que esta vai ceder parte do percorrida para a Carreira, así mesmo van tentar implicar á comunidade universitaria na mesmo. Así mesmo sinalou, que a carreira nas súas distintas categorías ten unha “unha distancia na que calquera persoa que quere participar pode, tanto correndo como camiñando. Fago un chamamento á participación”.

Pola súa banda, o presidente da Área Empresarial do Tambre, Jesús Chenel informou que a súa asociación quere o mellor para esta carreira, e ao mesmo tempo que “queremos unir o mundo da empresa co mundo do deporte. Queremos animar a todos os deportistas e a todas as empresas e traballadores da Área Empresarial a participar”. Ademais sinalou, que coas doazóns que se fagan que este ano van ir destinadas á Cociña Económica e mais a Proxecto Home que cumpre o seu XXV Aniversario e que con unha pequena doazón pódense facer grandes cousas.

Nesta V Edición da Carreira Popular Solidaria Área Empresarial do Tambre prevese que poidan participar persoeiros como Manjarín ou Iván Raña. Así mesmo, vai haber sorteos de cousas doadas por deportistas profesionais como Marta Domínguez, que xa o ano pasado doara uns tenis ou de Óscar Pereiro que doou un maillot.

OS PREMIOS DEPORTE E VIDA:
Os premios do Plan Deporte e Vida (PIDEVI) forman parte do Plano de Fomento e Ordenación da práctica deportiva tendo como finalidade recoñecer a aqueles clubes que se distinguen por educar os/as deportistas potenciando e recuperando os bos comportamentos e valores que, xunto ao esforzo pola superación persoal e o traballo en equipo, constitúen a base formativa dunha sociedade plural e solidaria.

BENEFICIARIOS:
Son beneficiarios do PIDEVI todos os clubes federados dos Concellos de Santiago, Ames, Teo, Oroso, o Pino e Vedra.

COMITÉ DE SELECCIÓN
O Comité de Selección creado para outorgar os Premios DEPORTE e VIDA está integrado polas seguintes persoas:

 En representación das Federacións de Deportes Colectivos: Enrique Otero, da Federación Galega de Fútbol
 En representación das Federacións de Deportes Individuais: Iván Sanmartín, da Federación Galega de Atletismo
 En representación dos árbitros/as: Francisco Guillamet, do Colexio Galego de Árbitros de Baloncesto
 En representación dos pais e nais: Ramón Otero
 Os empresarios/as: José Manuel Beceiro, Xerente da AEPIT
 Os medios de comunicación: Antonio Bermúdez
 Como Secretario do Comité actuou José Manuel Lobato.
 En representación do Padroado da Fundación Compostela Deporte, o seu Xerente Santiago Araújo.

CONTIA DOS PREMIOS:

1) Premios DEPORTE e VIDA para cada unha das categorias cunha contía de 2.000 € aos gañadores e 500 € para os seguintes clubes seleccionados nos respectivos apartados.

• SAÚDE:
o Club Hockey Compostela
o Club Olímpico de Vedra
o S.D. A Gaiola
 GALARDOADO: CLUB HOCKEI COMPOSTELA
 ENTREGA: ANDRÉS FARIÑA: Concelleiro de Sanidade.

ACCIÓNS DESTACABLES POLO QUE FOI SELECCIONADO O GALARDOADO:

• A prevención do consumo de drogas legais e ilegais faise en colaboración dos médicos cos adestradores e a directiva facendo un seguimento constante Impártense unhas directrices de hixiene por parte dos adestradores e da directiva.
• O club conta cunha licenciada en INEF que conduce tanto a preparación física como a alimentación e nutrición dos deportistas.
• Contan con dous doutores que fan o seguimento médico, atenden as lesións en primeira instancia e coa preparadora física fan o seguimento da alimentación.
• EDUCACIÓN:
o Arteal Tenis de Mesa
o Bertamiráns FC
o Xacobeo 2010 Lobelle de Santiago FS
 GALARDOADO: XACOBEO 2010 LOBELLE DE SANTIAGO FS
 ENTREGA: MERCEDES ROSÓN Concelleira de Educación

ACCIÓNS DESTACABLES POLO QUE FOI SELECCIONADO O GALARDOADO:
• Realizan visitas aos colexios cos xogadores do primeiro equipo para promover hábitos de vida saudábeis.
• Distribución da Guía didáctica de promoción do Xogo Limpo.
• Educación en valores e en deportividade nos Campus.
• Reunións e asesoramento a nais e pais.
• Convenio coa Universidade para proxectos de investigación.
• Xornadas formativas dirixidas a técnicos e xogadores.

• BENESTAR SOCIAL:
o Asociación ASPAS
o CD Belvís-Don Bosco
o Hockei Club Raxoi
 GALARDOADO: CD BELVÍS-AD DON BOSCO
 ENTREGA: MAR MARTÍN Concelleira de Benestar.

ACCIÓNS DESTACÁBEIS POLO QUE FOI SELECCIONADO O GALARDOADO:
• Organización de Torneos Solidarios, (Un quilo un sorriso) como instrumento para o fomento dos valores da solidariedade dos participantes. No ano 2009 o obxectivo era apoiar a construción de casas de acollida rurais no Perú.
• A Organización de Xornadas con Actividades deportivas, através de xogos populares, en clave interxeracional, onde participan nenos, adultos e familias:
o Mañás no Bosco
o Campamento Urbano
o Acampada de Cativos
o Convivencias de Fin de semana
o Xuntanzas deportivas e concentracións anuais
Apoio escolar para aqueles deportistas que o desexen

• NON VIOLENCIA:
o CD Conxo
o Club San Francisco de Teo
o E.D. Xuventude Oroso
 GALARDOADO: CD CONXO
 ENTREGA: VÍCTOR TOBÍO, Secretario da Fundación.

ACCIÓNS DESTACÁBEIS POLO QUE FOI SELECCIONADO O GALARDOADO:
• A difusión de valores e accións sobre a non violencia e o xogo limpo, son constantes nas distintas modalidades deportivas do C.D. Conxo.
• A sinatura de convenios con outras entidades deportivas establece expresamente o cambio da rivalidade pola colaboración.
• A convivencia de centos de nenos de diversas idades, e nacionalidades .
• O premio outorgado pola Sociedade de Pediatría a un xogador cadete acredita a aposta pola deportividade.

1) PREMIO ESPECIAL DEPORTE e VIDA de 3.000€ para o club seleccionado que sexa merecedor de tal distinción pola súa labor na execución conxunta dos catro programas anteditos.
GALARDOADO: XACOBEO 2010 LOBELLE DE SANTIAGO FS
ENTREGA: XOSÉ ANTONIO SÁNCHEZ BUGALLO, PRESIDENTE DA FUNDACIÓN.
TROFEOS SOLIDARIOS:

O Trofeo á EMPRESA SOLIDARIA que se distinga no apoio ao deporte a través da súa responsabilidade social corporativa correspondeu este ano á empresa NOYAMOVIL polo seu apoio ao deporte na cidade de Santiago desde a década dos 70. Nesta década coa denominación de Autolavado patrocina a equipos de distintas categorías de Fútbol Sala.
Na década dos 80 Jesús Chenel coa denominación de Talleres Noya, apoia ao deporte de Santiago, con equipas de distintas categorías de Fútbol Sala e Fútbol, tanto propios (categorías inferiores e veteranos) como patrocinados. Actividade que continúa realizando na década dos 90 coa denominación de Noyamóvil.
A partir do ano 2000 Jesús Chenel, coas denominacións Noyamóvil e Noyastar, apoia ao deporte da cidade e o resto de Galicia patrocinando equipas de distintas categorías salientando os seguintes:

 Fútbol: Atlético Fátima e Compostela na actualidade, e Ciudad de Santiago
 Ciclismo: O Karpin Galicia
 Automobilismo: Pedro Castañón na categoría júnior no campionato portugués de Karts, nos campionatos de montaña, e no novo campionato de España de carrozados na actualidade.
 Baloncesto: Apoio ao Clube Rosalía de Castro.
 Así mesmo, Noyamóvil é membro do padroado da Fundación Compostela Deporte.
ENTREGA: JORGE SANTOS, Tesoureiro da Fundación

O Trofeo á ASOCIACIÓN SOLIDARIA que se distinguiu no apoio ao deporte recae na presente edición a Agrupación de Deportistas Veteranos de Santiago de Compostela, pola tarefa: de máis de 30 anos que leva organizando o fútbol de Veteranos. Así mesmo, tamén ampliaron a actividade deportiva ao longo destes anos organizando o Fútbol Sala Sénior e das súas categorías inferiores axudando ao fomento do deporte base. Un pouco máis tarde chegou a actividade feminina froito do que xurdiu a equipa que compite na liga Autonómica Femenina de Fútbol Sala, conseguindo por catro veces consecutivas o título de Campión, Campión de España de Clubs e Medalla de Bronce no Campionato de Europa de Clubs celebrado en Chequia
Todo isto fai que sexan cinco mil os deportistas que participan en todas las categorías que organiza esta Agrupación.
A Agrupación de Deportistas Veteranos de Santiago de Compostela pertence ao Comité Organizador do Deporte Aficionado de España (CODA) ocupando dos -Vicepresidencias.
Organizando o pasado ano 2009 o campionato de España correspondente, en el que participaron 1.800 deportistas das distintas Autonomías pertenecientes ao Coda. Así mesmo conta con colectivo arbitral propio.
ENTREGA: BERNARDINO RAMA, Vicepresidente da Fundación.

OUTRAS AUTORIDADES PRESENTES NO ACTO:
 Carlos Fernández, Alcalde de Ames.
 Anxo Rei, Concelleiro de Turismo de Teo.
 Distintos concelleiros do Concello de Santiago do PSOE, PP e BNG.

A Finalidade das Axudas da Fundación é a seguinte:

• O Concello de Santiago de Compostela, a través do seu Departamento de Deportes, como membro do Padroado da Fundación Compostela Deporte, ten dentro dos seus cometidos definir a Política Deportiva da cidade e realizar programas que favorezan o desenvolvemento e promoción do deporte.

• A Fundación Compostela Deporte, de acordo coa Política Deportiva do Concello de Santiago e os seus estatutos, ten por obxecto o fomento e promoción do deporte a través do apoio, difusión e axuda ás entidades deportivas compostelás.

• As axudas aos clubes federados forma parte do Plan de Fomento e Ordenación da práctica deportiva entre as entidades da cidade para mellorar a xestión e a posibilidade de acadar recursos para o seu financiamento.
OBXECTIVOS:
• Axudar aos clubes de Santiago pola súa tarefa a prol do deporte base da cidade.
• Elaborar un censo dos deportistas que realizan actividades deportivas no Concello de Santiago.
• Mellorar a xestión das entidades deportivas

BENEFICIARIOS:
• Todos os clubes federados que desenvolvan a súa actividade deportiva no Concello de Santiago.
Os clubes beneficiarios perciben:

A) Pola tarefa de fomentar o deporte, atendendo aos gastos ocasionados polo custe da mutualidade deportiva, cunha contía variábel en función da correcta presentación dos datos persoais dos deportistas, técnicos e auxiliares de 10€ efectivo por cada licenza tramitada e coa mutualidade pagada.

Dotación: 60.000€

B) Para a mellora na xestión deportiva dos clubes a Fundación Compostela Deporte ten habilitado un servizo de asesoramento tanto on-line, como presencial na sede da Fundación, para axudar ás entidades deportivas na súa xestión nos ámbitos, fiscal, laboral e contábel, así como na tramitación das subvencións perante as distintas administracións públicas.

Dotación: 5.000 €

O abono das axudas formalizarase no Acto Protocolario da GALA DO DEPORTE presidido polo Padroado da Fundación, entendendo a non asistencia como renuncia ás anteditas axudas.

Os clubes beneficiarios da Axudas son os seguintes:
ENTIDADE
A GRACIA CF
A MERCÉ
A.D GALAIKA
A.D.B. FONTIÑAS
AD DON BOSCO
AD INMACULADA
AD NUESTRA SEÑORA DE LOS REMEDIOS
ADM PELETEIRO
AMIGOS DEL VIA C.B
AMIO S.D.
AMIZADE CLUB DE FUTBOL
ÁRBITROS DE BALONCESTO
ÁRBITROS DE FÚTBOL SALA
ARCANGEL SAN MIGUEL
ARQUEIROS DE COMPOSTELA
ARTEAL TENIS DE MESA
ASOCIACIÓN ASPAS
ATLÉTICO CARRILANA
ATLÉTICO FÁTIMA
AUTOS LOBELLE
C.A MILLADOIRO
C.A. FONTES DO SAR
C.B. SAN PELAYO
C.D LA SALLE
CAB CONXO
CAFÉ CARRILANA
CAMPO DA ANGUSTIA C.F.
CB PÍO XII
CB ROSALÍA
CD BELVIS
CD BRANDÍA
CD DEPORTIVO PARAGUAYO SANTIAGO
CD FONTIÑAS
CF VISTA ALEGRE
CLUB BALONCESTO CLUNY
CLUB DE HOCKEY COMPOSTELA
CLUB DE LOITA STELLAE
CLUB DEP. COMPAÑÍA DE MARÍA
CLUB DEPORTIVO CONXO
CLUB DEPORTIVO SAN MARCOS
CLUB HIPICO DE SANTIAGO
CLUB KAIDAN
CLUB LA ALGALIA
CLUB NATACIÓN SANTIAGO
CLUB PATINAXE CAMPUS STELLAE
CLUB PATINAXE COMPOSTELA
CLUB S.D COMPOSTELA DE SORDOS
CLUB SIONLLA
CLUB TRIATLON BRICOSA
CLUB WATERPOLO SANTIAGO
CLUB XADREZ GALLAECIA
CLUBE XADREZ CAFÉ NEMENZO
COMITÉ TÉCNICO ÁRBITROS DE FUTBOL
CONXO TENIS DE MESA
ESCOLA DE TAEKWONDO TAEPAR
ESTRELA VERMELLA
F.C LARAÑO
FUNERARIA APOSTOL
HOCKEY CLUB RAXOI
INFOR-SANTIAGO
MOTO CLUB COMPOSTELA
NOITEBRA FUTBOL CLUB
O XA CHEGOU F.C.
OBRADOIRO C.A.B.
PEÑA BODEGON ARZUA
RACING DE SAN LORENZO
REAL AEROCLUB SANTIAGO
RUA NOVA F.C
S.D A GAIOLA
S.D GRIXOA
SAN JORGE
SANTIAGO DE COMPOSTELA FC
SOCIEDADE CAZA E PESCA VENATORIA
SOCIEDADE DEPORTIVA VILLESTRO
U.D LAVACOLLA
USC
VELACRUZ CLUB
VICTORIA F.C
XACOBEO SANTIAGO CF

Bernardino Rama sinalou que “Neste triangular van participar xogadores que como no caso do FC Barcelona xogan nas selección española e portuguesa, e no caso do SC Braga teñen xogadores seleccionados con Portugal e Israel”.

No que atinxe aos ingresos e e os custos do Torneo o Vicepresidente da Fundación Compostela Deporte informou que “todos os ingresos van a prol do fútbol base da cidade” e que os donativos que obteñan os clubes cos pases que puxo ao seu dispor a Fundación Compostela Deporte son na súa totalidade para eles. Así mesmo, informou que para o Concello de Santiago este torneo non ten ningún custo xa que através da Fundación se conseguiron os patrocinios suficientes para sufragar a totalidade dos gastos.

Todos os deportistas estarán aloxados nun hotel de Santiago e compartirán “mesa e mantel” porque tamén é fundamental neste toreno a convivencia entre os deportistas dos distintos combinados. Así mesmo sinalou que os adestramentos van ter lugar no campo anexo de San Lázaro.

Finalmente pediu que se lle dea a máxima difusión ao Torneo Internacional “Cidade de Santiago” por parte dos medios de comunicación, xa que isto é fundamental para axudar aos clubes do fútbol base da cidade; e agradeceu a disposición a colaborar desde o primeiro momento da Federación Galega de Fútbol através do seu delegado en Santiago, Enrique Fernández Otero.

Enrique Fernández Otero felicitou ao Vicepresidente da Fundación pola iniciativa. Así mesmo sinalou que este tipo de torneos xuvenís contaban con bastante tradición en Santiago de Compostela e agradeceu o “rescate” dos mesmos através deste I Torneo Cidade de Santiago Sub-19. Ademais, dixo que o cartel é impresionante co Barcelona o equipa de moda, SC Braga e mais o combinado de Santiago, que para a semana que vén xa se dará a coñecer o seu cadro técnico. Finalmente, salientou que van tentar non decepcionar aos santiagues.

 Arteal Tenis de Mesa
 Asociación ASPAS
 Bertamiráns FC
 CD Belvís
 CD Conxo
 Club Hockey Compostela
 Club Olímpico de Vedra
 Club San Francisco de Teo
 E.D. Xuventude Oroso
 Hockey Club Raxoi
 S.D. A Gaiola
 Xacobeo 2010 Lobelle de Santiago FS
Os clubes seleccionados que non sexan agraciados con ningún premio percibirán 500€. Así mesmo, tamén se dará a coñecer o PREMIO ESPECIAL DEPORTE e VIDA de 3.000€ para o club seleccionado que sexa merecedor de tal distinción pola súa labor na execución conxunta dos catro programas anteditos.

Finalmente entregaranse os Trofeos Solidarios que como sinalou Antonio Bermúdez son “premios de prestixio sen ningunha dotación económica”. Estes son os Trofeo á EMPRESA SOLIDARIA que se distinga no apoio ao deporte a través da súa responsabilidade social corporativa e á ORGANIZACIÓN/ ASOCIACIÓN SOLIDARIA que se distinga no apoio ao mesmo.
Antonio Bermúdez explicou o procedemento que seguiu o comité de Selección para escoller estes doce clubes. Primeiro houbo unha primeira criba de todas as solicitudes presentadas, e despois unha vez que os clubes preseleccionados achegaron memorias e todo tipo de documentación para probar os seus méritos, seleccionáronse a estes doce clubes. Ademais, sinalou que antes das dúas reunións os membros do comité valoraron individualmente cada un dos expedientes das entidades solicitantes e despois na propia reunión fixose a escolla. Así mesmo, “aínda non están decidos os galardoados en cada unha das categorías, aínda está por decidir o gañador absoluto. Iso está pendente dunha xuntanza do Comité de selección. O mesmo acontece no caso dos Trofeos EMPRESA SOLIDARIA e ORGANIZACIÓN/ASOCIACIÓN SOLIDARIA.

Poa súa parte o membro do Padroado e Xerente de Área Central Juan Carlos Losada sinalou que a Gala do Deporte Compostelán é un evento gañado nos últimos anos e que esta é a súa V Edición. Quixo resaltar a importancia de podela manter “a pesar de todo o que está chovendo no ámbito económico” Salientou o compromiso das empresas membros do Padroado e colaboradoras coa Fundación, para poder manter a Gala do Deporte Compostelán, as Axudas e os Premios PIDEVI.

O Trofeo Xacobeo Compostela Esgrima, celebrarase para menores de 15 anos xunto co absoluto Masculino e Feminino. Será puntuábel para o ranking galego de forma oficial e aberto a participación de esgrimistas de fóra da nosa terra.
Neste Torneo XACOBEO, non só NON se COBRA INSCRICIÓN, senón que vos levardes unha CAMISETA de agasallo (PLAYMOBIL… PLAYFENCING)

Así mesmo a proba do Ranking Nacional de Veteranos de Espada, masculina e feminina, será puntuábel para o ranking nacional de veteranos en función dos estatutos aprobados pola AEVE: as inscricións deberán facerse por medio da ferramenta que tal efecto existe na web da RFEE, enviando así mesmo un email á dirección secr_aeve@hotmail.com

O carácter OPEN, fai que o torneo sexa un bo destino para calquera amante da esgrima que queira vir coñecer a nosa cidade e a coñecer desde dentro o nivel da esgrima galega.

Para máis información e para consultar o programa e os horarios podedes dirixirvos á web do clube.

No ámbito da educación o comité valorará as seguintes accións merecedoras de recoñecemento:
o Fomentar valores (Traballo en equipo, Esforzo, Compromiso,…..)
o Actuacións no ámbito do comportamento (Pais, compañeiros, contrarios, adestradores e árbitros)
o Plans de Formación para adestradores, directivos, deportistas.
o Respecto polas instalacións e material deportivo.
o Colaboración coa formación acadêmica dos deportistas.
No ámbito do benestaro comité valorará as seguintes accións merecedoras de recoñecemento:
o Fomento do deporte feminino
o Programas Solidarios con colectivos en riscos de exclusión
o O deporte como reinserción social
o Concesión de Bolsas para os deportistas con menos recursos.
o Fomento da actividade deportiva na familia.
No ámbito da non violencia o comité valorará as seguintes accións merecedoras de recoñecemento
o Plans de prevención da violencia nos campos.
o Fomento da Deportividade entre os atletas do club.
o Méritos ou mencións outorgadas pola súa respectiva federación no ámbito da deportividade.
o Accións para o respecto das normas.
o Actuacións para o coñecemento do regulamento.

.José Manuel Beceiro, xerente da Asociación de Empresarios do Polígono do Tambre e membro tamén do comité de selección agradeceu á fundación que convidase á súa asociación que os tivese convidado por segundo ano á presentación dos premios e a formar parte do comité de selección. Para el a responsabilidade social corporativa é básica para as empresas e neste sentido o deporte para as empresas “é basico porque fomenta o traballo en equipo e a formación de líderes”, dous elementos fundamentais no ámbito da empresa.

Eduardo Veiras, concelleiro de deportes de Oroso amosou a súa ledicia por estes premios. Dixo, Estamos moi satisfeitos de colaborar nestes premios, para facer unha sociedade mellor, e pensamos que a Fundación Compostela Deporte está a facer un grande traballo”.

Pola súa parte, o Vicepresidente da Fundación Compostela Deporte, Bernardino Rama afirmou que ” A Fundación creouse para chegar a onde non podía chegar o departamento de deportes, tanto coa organización de eventos como no ámbito das axudas”. Este así mesmo, amosouse de acordo con José Manuel Beceiro na importancia que ten o deporte no mundo da empresa, tanto no que atinxe ao fomento dos valores como do espírito de superación. Así mesmo, sinalou que moitos empresarios apostan polo deporte, colaborando cos clubes e mesmo sendo directivos dos mesmos e por tanto, comprometéndose a crear as estruturas dos clubes”. Ademais, agradeceu a Eduardo Veiras, concelleiro de deportes de Oroso a súa colaboración, e salientou a relación e a colaboración estábel e fluída entre ambos os dous concellos. Finalmente Bernardino Rama fixo fincapé en que estes Premios Pidevi son de recoñecemento a entidades que unha mellor tarefa realización nos ámbitos da Saúde, da Educación, o Benestar e a Non-Violencia. Estes serán entregados na Gala do Deporte de Santiago de Compostela.

Os Premios PIDEVI outorgarán aos clubes seleccionados en cada unha das categorías 500€, e aos gañadores en cada unha das mesmas 2000€. Finalmente concederase un Premio Especial Deporte e Vida de 3.000€ ao clube que sexa merecedor pola súa execución global dos catro apartados que compoñen os Premios.

As solicitudes formalizaranse mediante instancia dirixida á Fundación Compostela Deporte (Estadio de San Lázaro, Porta 16). O prazo de solicitude remata o vindeiro día 20 de xaneiro de 2010.

Aquí tedes as bases e a solicitude

Bernardino Rama fixo fincapé na nova modalidade que se inclúe nas Axudas deste ano da Fundación. “O asesoramento aos clubes para a presentación de subvencións ten como finalidade evitar a parálise na tramitacións de subvencións, xa que hai xente que perde subvencións por non presentalas adecuadamente”.

O Xerente de Área Central, Xoán Carlos Losada tamén sinalou a repecto da nova modalidade de Axuda para a Xestión das entidades deportivas que a Fundación vai por en marcha con esta convocatoria de Axudas, que “cando o proxecto da fundación nace sabíamos que un obxectivo era a mellora da xestión das entidades deportivas, e sabíamos que era unha carencia , xa que estas ás veces non teñen un departamento admistrativo. A mellora da xestión da xestión dos clubes é un dos obxectivos fundacionais”.

No acto finalmente interviu Nuria Palmero da empresa Xestión Social que vai ser a que preste o servizo de asesoramento tanto on-line, como presencial na sede da Fundación, para axudar ás entidades deportivas na súa xestión nos ámbitos, fiscal, laboral e contábel, así como na tramitación das subvencións perante as distintas administracións públicas. Esta sinalou que a día de hoxe a normativa legal vén provocando maior concreción na xestión das subvencións. Así mesmo contatou que ” en materia fiscal os clubes teñen determinadas dificultades. Vemos pola nosa experiência unha carencia de formación na materia”. Así mesmo, parabenizou á Fundación por esta iniciativa.
Nuria Palmero tamén informou que desde a Fundación se lles fará chegar a todos os clubes información de todas as convocatórias de subvencións e modificacións en materia legal que poidan ser do seu interese.
No que atinxe o outro apartado da convocatoria de Axudas todos aqueles clubes federados de Santiago de Compostela, que soliciten a subvención da Fundación Compostela Deporte percibirán 10 Euros por cada licenza que teñan.

Finalmente o Vicepresidente da Fundación informou que por parte da Fundación e do Concello se dará a coñecer o diñeiro que se puxo ao dispor dos clubes durante o ano 2009. Isto sen ter presente que no Concello de Santiago de Compostela, ao deporte federado non se lle cobra o uso das instalacións. Este é totalmente gratuito.

Ás Axudas da Fundación poderán optar todos os clubes federados que desenvolvan a súa actividade deportiva no Concello de Santiago. As entidades deportivas interesadas poden consultar desde xa as bases das Axudas no portal de Internet da entidade www.fundacioncompostela.org.

As solicitudes formalizaranse mediante instancia dirixida á Fundación Compostela Deporte (Estadio de San Lázaro, Porta 16). O prazo de solicitude remata o vindeiro día 29 de xaneiro de 2010.

Aquí tes as bases, a solicitude e a ficha do deportista.

Os deportistas seleccionados que recibiron un reprodutor MP3 e un vale en material deportivo por valor de 120 euros. Ofrecidos polas empresas BLU: SENS e AGUIRRE E CÍA, os adestradores dos bolseiros premiados levararon como agasallo un reproductor MP3 e un vale en material deportivo por valor de 600 euros. Doados polas empresas BLUSENS AGUIRRE E CÍA e CENTRO DEPORTIVO e Os quince bolseiros recibiron un vale en material deportivo por valor de 600 euros, outros 600 euros en efectivo e un reprodutor MP3. Doados polas empresas citadas con anterioridade.

Aquí tedes algunhas das fotos da gala de onte.

A Fundación Compostela Deporte presentou esta mañá os 40 seleccionados, dos cales 15 dos mesmos recibirán as bolsas da Fundación Compostela maña as Bolsas para a Formación e Perfeccionamento dos deportistas individuais composteláns 2009. A quinta edición desta convocatoria contou como novidade que este ano a convocatoria se abriu aos deportistas individuais empadroados na mancomunidade de Santiago de Compostela. Tamén se presentou ao Padriño da presente convocatoria que será o deportista compostelán Borja Golán.

No acto de presentación da convocatoria anual das Bolsas da Fundación Compostela Deporte contouse coa presenza do Concelleiro de Deportes e Vicepresidente da Fundación Compostela Deporte, Bernardino Rama, con Antonio Bermúdez en representación do Comité de Selección e do Padriño da presente edición, o deportista Borja Golán.

Bernardino Rama, Vicepresidente da Fundación Compostela Deporte, salientou o feito de que a convocatoria anual de bolsas da Fundación Compostela Deporte, presentan como principal novidade este ano que esta se abre a todos os deportistas empadroados en calquera dos concellos integrantes da Mancomunidade de Santiago de Compostela. Así mesmo sinalou que “a intención foi premiar a todos aqueles deportistas empadroado sen compostela e a comarca”. O vicepresidente da Fundación Compostela Deporte agradeceu a súa colaboración ao Padroado da Fundación, á Asociación Down Compostela, ao Comité de Selección e ás empresas patrocinadoras do evento: AGUIRRE E CÍA , ARTEAL, BEGANO, BLUSENS , CENTRO DEPORTIVO, DADO DADA, OTERO E CARITÓN, ÚNIKA.

Antonio Bermúdez, membro do Comité de Selección informou que o lista de 40 deportistas seleccionados está ordenado por deporte e alfabeticamente, xa que os 15 deportistas composteláns que serán bolseiros da Fundación daranse a coñecer no propio acto de entrega das Bolsas, que terá lugar o vindeiro día 2 de decembro a partir das 20h no auditorio de Galicia. Ademais fixo fincapé en que a selección dos mesmos faise através dun baremos ao que se lle aplica un coeficiente corrector en función da idade, que penaliza aqueles deportistas con máis idade. Consonte ás bases dos 15 bolseiros doce obtéñense aplicando o antedito baremo co seu coeficiente corrector, e os outros tres escólleos o comité, porén este ano o Comité decidiu elixir estes tres bolseiros aplicando o coeficiente corrector e o baremo.
Antonio Bermúdez sinalou que o Comité de Selección entende que hai que seguir primando aos deportistas máis novos en detrimento dos outros e faille unha proposta ao Padroado da Fundación para que en vindeiras convocatorias só podan concorrer ás bolsas aqueles deportistas que leven dous anos empadroados na área de Compostela. Así mesmo, salientou que había un deportista que por razóns de idade, xa que era tiña menos anos que os que establecían as bases quedou fóra, pero que aplicándolle o baremo si que levaría a bolsa e animouno a presentarse en vindeiras convocatorias.
Borja Golán salientou que para el é unha honra estar no acto de entrega das bolsas a deportistas individuais e ser o padriño da presente convocatoria. Dixo que había que “salientar o traballo que está a levar a Fundación Compostela Deporte no apoio ao deporte base.” Así mesmo anima aos deportistas para que aproveiten estas bolsas que os van axudar na súa formación.

Na presente convocatoria presentáronse máis de 50 deportistas para obter unha das 15 bolsas da Fundación Compostela Deporte.