Xosé Manuel Lobato, pola súa parte, comezou a súa intervención afirmando que “despois de sete edicións, podemos decir que a Compostela Cup é un éxito”, e quixo lembrar o labor de “centos de voluntarios” que aportan a súa axuda para que o torneo, “un referente para o deporte base, mesmo a nivel internacional”, sexa posible. Ademais lembrou que, segundo manifestan os participantes despois de cada edición, a Compostela Cup “é unha experiencia inesquecible para eles”. “Non hai un torneo coma este en toda España”, rematou.

Por último, o concelleiro de Deportes de Santiago, Bernardino Rama, mostrou o seu agradecemento a todas as persoas que fan posible que a Compostela Cup sexa un éxito cada ano, e lembrou que grazas a ela “hai moita xente que disfruta da nosa cidade, e iso é riqueza”, referíndose ás numerosas pernoctacións de participantes e familiares que repercuten positivamente no turismo da cidade.

O torneo, como cada ano, vai dirixido a rapaces de entre seis e dezaoito anos, e na última edición de 2010 chegouse a un total de máis de 12.000 deportistas e preto de 95.000 asistentes ás diferentes competicións. Nesta edición de 2011, a organización espera achegarse a esas cifras, coa presenza de cinco modalidades deportivas: baloncesto, minibásquet, fútbol, fútbol-7 e fútbol sala. Dende este mércores, ata o domingo 26, desputaranse as competicións de fútbol e fútbol sala, mentres que a de fútbol-7 comezará o vindeiro mércores 29 de xuño (rematará o 3 de xullo) e as de baloncesto e minibásquet prolongaranse dende o 30 de xuño ata o día 2 de xullo.

No que atinxe ao número de equipos participantes, na modalidade de baloncesto participarán un total de 28 conxuntos e na de veteranos serán 13. Aínda así, a competición de fútbol-7 será unha vez máis a que conte cun maior número de equipos.
En canto a esta última, a principal novidade deste ano nas regras de competición afectará ás categorías sub 8 e sub 9. Estas disputaranse en 3 tempos de 15 minutos, habendo un descanso entre período e período de 5 minutos. Ademais, todos os nenos xogarán, como mínimo, unha parte sen trocos. Nestas categorías, unha vez que haxa unha diferenza de 5 goles entre os contendentes, pecharase o marcador e continuará o xogo ata que remate o tempo establecido.

A competición de fútbol-7 estará dividida en seis categorías (sub 8, sub 9, sub 10, sub 11, sub 12 e sub 14), que comezarán os seus partidos o mércores 29, para que as finais se xoguen na mañá do domingo 3 de xullo. Ao igual que a competición de fútbol-11, os encontros dividiranse en catro escenarios: San Lázaro, Santa Isabel, A Barrosa e As Cancelas.

Hai que destacar a enorme presenza de equipos de fóra de Galicia nesta modalidade de fútbol-7. Ademais das escolas vencelladas aos coñecidos clubes do Porto (Fabril e Trofense), Benfica (Loulé, Faro, Bobadela e Olivais) e do Sporting de Portugal (Cova da Piedade e Leâo Altivo), outros conxuntos como o San Andrés de León, o Real Talavera de Castela-A Mancha, o Ringe, o Miguel Roris e o Clip tampouco se perderán esta sétima edición da Compostela Cup do Camiño. Ao igual que o Hernâni, que vén participando desde a primeira edición.
En canto ao baloncesto, hai que destacar a inscrición de importantes conxuntos santiagueses como o Obradoiro CAB, CB Cluny e CB Pío XII, ademais de equipos de fóra da cidade como o Agustinos Eras leonés, o Baloncesto Femenino San José, o Baloncesto Femenino León e os Tigres de Lugo. O minibasket estará dividido en tres categorías (sub 10, sub 12 masculino e sub 12 feminino), que terán lugar no pavillón de Vite. A competición do baloncesto propiamente dito contará con sub 14 e sub 16, divididos á súa vez en categoría masculina e feminina. Estes partidos xogaranse en Santa Isabel e no Lorenzo de la Torre. Tanto en baloncesto como en minibasket a competición iniciarase este xoves 30 e rematará o sábado pola tarde coa disputa de todas as finais.
A competición de veteranos dará comezo mañá martes e rematará tamén o sábado. Os partidos terán lugar nos campos de As Cancelas, Santa Isabel e Bertamiráns a partir das 21:00 horas, agás os das semifinais. Estes disputaranse o sábado á tarde, para que se xogue a final esa mesma noite.

Grazas á presenza de máis de 50 conxuntos de fóra de Galicia, as competicións desta semana da Compostela Cup do Camiño vanlle xerar á cidade máis de 3000 pernoctacións de deportistas, adestradores e familiares, o que demostra unha vez máis a capacidade de atracción deste torneo e os seus positivos efectos para o turismo de Compostela.
No que atinxe ás modalidades de fútbol-11 e fútbol sala, rematadas na mañá de onte, destacaron ao longo de toda a competición a excelente deportividade e o alto nivel mostrado por todos os participantes.
Desde o mesmo mércores, cada día enviaremos unha nota a última hora da mañá e outra a última hora da tarde cun resumo do máis destacado de cada xornada da competición.

Lembrade que podedes obter máis información sobre a Compostela Cup do Camiño 2011 na web www.compostelacup.org

Segundo dixo Manuel Paz esta carreira ten lugar despois dun ano de parón, por motivos económicos. Nesta nova edición modificouse o percorrido nomeadamente na zona de meta. Ademais engadiu que é un circuíto moi bonito, e este ano vai estar seco, o cal obriga aos ciclistas a ter que facer un esforzo maior. Tal e como sinalou, ao ser esta a última proba do Open Galego de MTB, agás na categoría de féminas no resto das categorías (Elite, Sub23, Senior, Junior, Cadete, Master 30, e Master 40-50) ainda está por decidir o campión das mesmas. Será nesta competición onde a Federación entregará todos os premios aos deportistas gañadores.

Alberto Lado sinalou que neste evento hai unha categoría para aquelas persoas que non teñen licenza, e que se lles fai un seguro por un día para que poidan participar. De feito, engadiu que é un percorrido sinxelo para estas persoas que se queren iniciar. Así mesmo, informou que este ano a cronometraxe vaise facer por fotocélula de magma sports.

Na subida ao Monte Pedroso vai estar habilitada unha zona de aparcadoiro para os participantes e o público. Ademais, vaise contar con megafonía e speaker para que os asistentes teñan coñecemento en todo momento de como está a transcorrer a competición.

En canto ao número de participantes a organización calcula que van participar arredor de 160 corredores. Dato que ainda non está confirmado, porque a inscrición non está ainda está pechada.

Rubén Villanueva Pérez é un dos favoritos, así como o compostelán, e membro do clube organizador Abel Rial, que é de esperar que estea entre os cinco primeiros.

Horarios:

Sabado 11 de xuño
16:00-19:00 Adestramentos libres.

Domingo 12 de xuño
08:00-10:00 Inscricións e entrega de chips.
08:30-09:30 Adestramentos.
11:30 1ª Manga.
13:00 2ª Manga.
14:30 Entrega de Trofeos.

Na páxina web www.mangasports.es está toda a información, e publicaranse as clasificacións e as inscricións.

A Compostela Cup do Camiño 2011 ten 135 inscritos na súa modalidade de Fútbol-7, entre os que é de salientar a participación das equipas portuguesas do Fabril e do Trofense, filiais do Porto, EFGB Loule, Faro, Bobadela e Olivais do Benfica, Xunto co EAS Cova da Piedade e Leão Altivo do Sporting de Lisboa. Esta modalidade vai ter lugar do 29 de xuño ao 3 de xullo.

Para alén dos filiais do Porto, Benfica e do Sporting de Lisboa é de salientar a participación do San Andrés de León, do Real Talavera de Castela-A Mancha. Ademais das equipas portuguesas do Linda a Velha Ases San Jorge, os Belenense, o Ringe, o Miguel Roris e o Clip. Máis unha vez volve participar o Hernâni que o fai xa desde a primeira edición da Compostela Cup.

No que atinxe ás equipas de Santiago de Compostela e a súa comarca van participar, entre outras , o Villestro, Coxo, Santiago de Compostela, Fátima, Peleteiro, Vista Alegre, Campus Stellae, Amio, Victoria, Milladoiro, Bertamirans, o Crocha e o Abanqueiro.
A Compostela Cup do Camiño comezará o vindeiro 22 de xuño. Para máis información sobre a Compostela Cup do Camiño ir á páxina web www.compostelacup.com

É destacable a inscrición na modalidade de baloncesto do Obradoiro, do Agustinos Eras, do Baloncesto Femenino San José, do Baloncesto Feminino León dos Tigres de Lugo e do CB Cluny.

No que atinxe ás modalidades de fútbol-11 van participar as equipas da Cova da Piedade e Leão Altivo, pertencentes ás escolas do Sporting de Lisboa. Así mesmo tamén están inscritas as seguintes escolas do Benfica: Faro, Olivais e Loulé. Ademais, tamén é de subliñar a participación do Belenenses de Lisboa, do FC da Foz que vai vir con dous equipos sub-16, o Sintrense e o Leão Altivo. Das equipas da cidade van participar entre outras a SD Compostela, o Fátima, o CD Conxo, o Santiago CF, o Amio e o Victoria. Do resto da comarca participarán entre outros o Bertamiráns e o Santa Comba.

Na modalidade de fútbol-7 destaca a participación do San Andrés de León, do Real Talavera de Castela-A Mancha. As equipas portuguesas do Bobadela, os filiais do Porto (Trafense e Fabril), o Ringe, o Miguel Roris e o Clip. Máis unha vez volve participar o Hernâni que o fai xa desde a primeira edición da Compostela Cup.

Ademais, no que atinxe á modalidade de fútbol sala vai participar nesta nova edición da Compostela Cup do Camiño a equipa de fútbol sala do Porto das Estreliñas Incansáveis, que van participar en dúas categorías, o Gualtar e Colégio Teresino. No que se refire ás equipas galegas van participar entre outras o Ames, o Milladoiro, o Vitoria, o Amio e o Mazaricos.
A Compostela Cup do Camiño comezará o vindeiro 22 de xuño. Para máis información sobre a Compostela Cup do Camiño ir á páxina web www.compostelacup.com

Ao longo destes días estudantes da USC pertencentes á Cátedra Bancaja da USC de Emprendedores Mozos estiveron a informar á comunidade universitaria da Quinta Carreira Solidaria Área Empresarial do Tambre, e recolleron os primeiros donativos para a Cociña Económica. Os membros da antedita cátedra están a ter unha gran implicación, repartindo ao longo desta semana máis de 2000 díticos informativos na Biblioteca Concepción Arenal.

Na Quinta Carreira Solidaria Área Empresarial do Tambre participou o olímpico Pedro Nimo, pero sen dorsal, xa que a súa intención era acompañar aos inscritos non competir. A Carreira comezou coa andaina familiar, seguidamente participaron os atletas da categoría benxamín e alevín, os da infantil e cadete para rematar coa categoría de xuvenís en adiante. 

Na entrega de premios sorteouse unha estancia nunha casa de turismo rural para unha familia das participantes na andaina familiar, principal novidade da Carreira Solidaria Área Empresarial do Tambre.

Así mesmo por parte das entidades organizadores queremos agradecerlle a súa colaboración ás empresas Viajes Sant-Yago, LeasePlan Industrial, Divina Pastora, Begano e á Catedra Bancaja de Mozos Emprendedores da USC a súa colaboración.

Aquí tedes os premios e os resultados:

premios

resultados benxamín-alevín

resultados infantil-cadete

resultados absoluta

Ao longo destes días estudantes da USC pertencentes á Cátedra Bancaja da USC de Emprendedores Mozos estiveron a informar á comunidade universitaria da Quinta Carreira Solidaria Área Empresarial do Tambre, e recolleron os primeiros donativos para a Cociña Económica. Os membros da antedita cátedra están a ter unha gran implicación, repartindo ao longo desta semana máis de 2000 díticos informativos na Biblioteca Concepción Arenal.

Na Quinta Carreira Solidaria Área Empresarial do Tambre está confirmada a participación do olímpico Pedro Nimo, que ademais foi o promotor da mesma desde a súa primeira edición. Esta terá lugar mañá sábado día 28 de maio, no Campus Vida da USC a partir das 17h. A entrega de premios das distintas categorías será a partir das 18′15h.
Os horarios das probas serán os seguintes:

HORA CATEGORÍA DISTANCIAS
17:00 ANDAINA FAMILIAR 1260 m
17:15 BENXAMÍN e ALEVÍN 1260 m
17:30 INFANTIL e CADETE 2410 m
17:45 XUVENÍS en adiante
4710 m
18:15 ENTREGA DE PREMIOS Avda Antonio R. Ibáñez

A Carreira Popular Solidaria está organizada conxuntamente pola Fundación Compostela Deporte, a Asociación Área Empresarial do Tambre, a Universidade de Santiago de Compostela, a Delegación en Santiago da Federación Galega de Atletismo e o Concello de Santiago. O control técnico das probas estará a cargo do Comité de Xuíces da Delegación de Atletismo de Santiago (Federación Galega de Atletismo).

Jesús Chenel, presidente da Asociación Área Empresarial do Tambre, salientou o feito de que a carreira xa vai pola súa quinta edición, e que está plenamente consolidada. Así mesmo indicou que todo o que se recada coas doazóns dos participantes, desde a primeira edición foi para algunha causa solidaria. Na presente edición vai ir parar á cociña económica. No que atinxe ao circuíto explicou que este ano ao igual que o anterior vai ter lugar no Campus Vida da USC, a diferenza das primeiras edicións que tiña lugar no polígono do Tambre. O obxectivo é achegar a carreira aos composteláns. Nesta edición como elemento novidoso está a inclusión da Categoría Familiar, formada por dous adultos e un neno, que darán unha volta ao percorrido. Finalmente salientou a necesidade da unión entre as empresas e o deporte para poder sacar este tipo de eventos adiante e a contribución da Fundación Compostela Deporte que está apostando fortemente por este tipo de eventos.

Pedro Nimo agradeceulle ás empresas que desde o primeiro día seguen a apoiar a carreira. Así mesmo, tamén agradeceu a colaboración da Universidade e do seu director do Servizo de Deportes, Mariano García-Verdugo, da Fundación Compostela Deporte, e da Federación Galega de Atletismo, na persoa do seu delegado en Santiago Iván Sanmartín. Ademais, sinalou que se doará o recadado á cociña económica, porque por parte dos organizadores pensouse que é máis necesaria que nunca, e que en Santiago hai moita xente pasándoo mal.
Pola súa banda, Mariano García-Verdugo, director do Servizo de Deportes da USC salientou que por parte da Universidade, desde o ano pasado que foi o primeiro ano no que se celebrou a carreira no Campus, se pensou que non se podía estar alleos a este evento. Así mesmo, agradeceulles as empresas Viajes Sant-Yago, LeasePlan Industrial, Divina Pastora, Begano e á Catedra Bancaja de Mozos Emprendedores da USC a súa colaboración. Estes últimos están a montar no Campus un stand onde xa levan repartidos máis de 2000 dípticos informativos. Ademais, salientou o feito que polo seu percorrido esta é unha carreira na que pode participar aquelas persoas que non están afeitos a participar en carreiras pedestres, xa que as distancias van desde 1000 a 4000 metros.

O Delegado da Federación Galega de Atletismo, Iván Sanmartín, agradeceu a estas empresas que están a apoiar o deporte a súa colaboración. Así mesmo, agradeceu a implicación de Pedro Nimo, persoa que lle deu vida ao proxecto despois dunha experiencia en Angola. Salientou que a partir do nacemento da Carreira Solidaria da Área Empresarial do Tambre, proliferaron unha manchea de carreiras solidarias por toda Galicia, foi desde logo un punto de inflexión. Sanmartín engadiu que a Federación Galega de Atletismo sempre apoiou este tipo de carreiras, e os seus xuíces en especial, achegando criterios de carácter técnico. Finalmente fixo un chamamento a toda a sociedade compostelá para que participen na carreira. Ademais é unha carreira moi vistosa que se pode ver desde calquera punto do Campus Vida da USC.

As categorías da competición son as seguintes:
 BENXAMÍN: atletas nados nos anos 2002 e 2003
 ALEVÍN: atletas nados nos anos 2000 e 2001
 INFANTIL: atletas nados nos anos 1998 e 1999
 CADETE: atletas nados nos anos 1997 e 1996
 XUVENIL-JUNIOR: atletas nados entre 1995 e 1992
 PROMESA-SENIOR: atletas nados entre 1991 e 1977
 VETERANS: atletas nados en 1975 e anteriores
 FAMILIAR: formada por 2 adultos e 1 neno/a menor

A categoría FAMILIAR estará composta por cando menos 2 adultos e un menor. Darán unha volta ao percorrido e non terán clasificación. Entre os participantes nesta categoría sortearase un fin de semana nunha casa de turismo rural.

Para inscribirse hai que enviar un correo electrónico a inscricionsFGAsantiago@gmail.com , sen a data limite para facelo o venres 27 de maio ás 14 horas e nela deberán reflexarse os seguintes datos:
 Nome e Apelidos
 Data de nacemento completa
 Clube ou centro escolar o que pertencen
 Nº de licenza ou seguro escolar (se a ten o participante.)
 Correo electrónico
Para máis información aquelas persoas que estean interesadas poden ir á web da Fundación Compostela Deporte, www.fundacioncompostela.org onde se atopa o regulamento da competición e o mapa por onde transcorrerá a mesma.

Nesta proba, que terá lugar o vindeiro sábado 28 de maio, a partir das 17h no Campus Sur da USC poderán participar tanto atletas federados como non federados, facéndose unha clasificación conxunta.
As categorías da competición son as seguintes:
 BENXAMÍN: atletas nados nos anos 2002 e 2003
 ALEVÍN: atletas nados nos anos 2000 e 2001
 INFANTIL: atletas nados nos anos 1998 e 1999
 CADETE: atletas nados nos anos 1997 e 1996
 XUVENIL-JUNIOR: atletas nados entre 1995 e 1992
 PROMESA-SENIOR: atletas nados entre 1991 e 1977
 VETERANS: atletas nados en 1975 e anteriores
 FAMILIAR: formada por 2 adultos e 1 neno/a menor

A categoría FAMILIAR estará composta por cando menos 2 adultos e un menor. Darán unha volta ao percorrido e non terán clasificación.

Para inscribirse hai que enviar un correo electrónico a inscricionsFGAsantiago@gmail.com , sen a data limite para facelo o venres 27 de maio ás 14 horas e nela deberán reflexarse os seguintes datos:
 Nome e Apelidos
 Data de nacemento completa
 Clube ou centro escolar o que pertencen
 Nº de licenza ou seguro escolar (se a ten o participante.)
 Correo electrónico
Para máis información aquí tedes o regulamento da competición e o mapa por onde transcorrerá a mesma.

A Fundación Compostela Deporte, os Colexios La Salle e Compañía de María e os clubes Arteal Tenis de Mesa e Santiago C.F. e o Centro Xuvenil Don Bosco

Santiago Araújo salientou que este era o terceiro Campus que organizaba a Fundación Compostela Deporte, despois dos que se organizaron a finais do verán e en nadal, e que se seguían sumando modalidades deportivas e actividades ao mesmo. Así no de verán as modalidades foran o fútbol e o tenis de mesa e no de nadal o fútbol, o tenis de mesa e a patinaxe. Ademais, fixo fincapé que por parte das entidades organizadoras se lles ofrece ás familias que os seus fillos e fillas estean atendidos por profesionais do deporte nunhas datas nas que non existen moitas ofertas de lecer.

Pablo Lois, Presidente do Arteal Tenis de Mesa salientou que os Campus Multideportivos que organizan as distintas entidades en colaboración coa Fundación Compostela Deporte cada vez van a máis. Así xa hai anotados mais de 60 nenos e nenas, pechándose o prazo para inscribirse o vindeiro venres día 15 de Abril. Ademais, é unha oferta de carácter educativo que se lles dá aos rapaces que fiquen en Compostela alternativa a outros hábitos que teñen durante o periodo vacacional. Os adestradores do Arteal estarán estes 3 días no Colexio La Salle. Para alén deles, tamén se agarda que participen no Campus algúns xogadores de Superdivisión do Arteal Tenis de Mesa ainda por determinar.

Para Francisco Rodríguez, Director do Centro Xuvenil Don Bosco é un pracer traballar no tempo de lecer nunha actividade educativa nestas datas. Así mesmo, sinalou que o deporte ofrece moitas posibilidade educativas, fomentando valores como o respecto e a tolerancia. A xornada de tarde do Campus de Semana Santa terá lugar no Centro Xuvenil Don Bosco, a partir das 16′30h, onde os nenos e nenas xogarán ao xadrez e practicarán os xogos populares.

No que atinxe á xornada de mañá terá lugar no colexio La Salle para aqueles rapaces que teñan escollido as modalidades de fútbol e tenis de mesa, e no colexio Compañía de María, para os que teñan escollido a práctica de baloncesto.

O prazo de inscrición remata o vindeiro venres día 15 de abril e pódese facer nos colexios e nos clubes organizadores, ou na Fundación Compostela Deporte no teléfono 981 555 177 ou no Fax 981 579 942.