A sede da Fundación Compostela Deporte foi o escenario da entrega dos premios correspondentes á iniciativa Xogo Solidario, enmarcada no desenvolvemento do Plan Integral Deporte e Vida (PIDEVI). O Concelleiro de Deportes de Santiago e Vicepresidente da Fundación, Andrés Fariña, fixo a entrega dos premios a: Patricia Pazos, co número 5.202 distribuído polo Clube Waterpolo Santiago, gañadora do ordenador portátil doado por Coremain; o Presidente da Sociedade de Caza e Pesca A Venatoria, Ramón Fandiño (posuidor do número 23.113 distribuído polo Hockei Clube Raixoi) e Wenceslao Peteiro do Bar Albaroque (como entidade comercial que máis boletos distribuíu), recolleron sendos MP4 doados por Blusens.

Cómpre lembrar que foron máis de 10.000 os boletos vendidos polos clubes en virtude do Convenio asinado entre a Fundación Compostela Deporte e a Asociación de Empresarios de Hostalería de Santiago e Comarca para o desenvolvemento do programa Xogo Solidario, destinado aos clubes federados da cidade e a súa comarca, que tiña a finalidade de dotalos de máis recursos económicos pola súa tarea a prol do deporte base, así como promocionar aos establecementos hostaleros que colaboraron coas entidades deportivas, que foron máis de 200.

Esta entrada publicouse , o Luns, 6 de Outubro de 2008 ás 13:15 e está gardada baixo Axudas, Fundación, General. Podes seguir calquera resposta a entrada mediante a semente RSS 2.0. Están pechados tanto os comentarios coma os pings.